بنتى سنتين ونص مبتتكلمش
ورد لنا من احدى الرسائل
بنتى سنتين ونصف ومبتتكلمش هو كدا فى مشكلة ؟ واعمل معاها ايه ؟
الرد :
لازم ولى الأمر يهتم بمعرفة خصائص نمو طفله علشان يعرف هو كدا طبيعى ولا عنده مشكله خلينا نتكلم فى
التطور الطبيعى للنمو اللغوى للأطفال
عند عمر سنه على الأقل تكون حصيلته اللغوية← كلمات مفردة زى ( بابا ـ ماما ـ جدوـ تيته .. )
عند عمر سنتين على الأقل تكون حصيلتة اللغوية
← جملة مكونة من كلمتين ( بابا جه ـ اكل مم ـ ماما تعالى ... )
عند عمرثلاث سنوات على الأقل تكون حصيلتة اللغوية
← جملة مكونة من ثلاث كلمات ( ماما عايز اكل ـ هاتى اللعبه بتاعتى .. )
عند عمر اربع سنوات على الأقل تكون حصيلتة اللغوية
← جملة مكونة من اربع كلمات والقدرة على سرد قصة قصيرة
ومحتاجة قبل ما تروحى لأخصائى تخاطب تتأكدى ان السمع مفيش فيه مشكلة
لان عن طريق السمع بيكتسب الطفل اللغه
وكمان تتأكدى ان لاقدر الله مفيش مشكلة فى المخ او ضمور او اي مشاكل اخرى
و تتأكدى ان الكالسيوم والفيتامينات فى جسم طفلك طبيعيه ومفيش انيميا
طب اتأكدنا ان الكلام دا كله طبيعى الحمدلله هنعمل ايه
هتروحى لأخصائى تخاطب يلاحظ الطفل و يشوف رابط اللسان والتواصل البصرى وتركيزه وهيسألك شوية أسئله
بعد كدا هيتعرف على البيئة المحيطة ودا بيتم من خلال دراسة الحالة مع ولى الأمر
علشان نوصل للأسباب الى أدت للتأخر اللغوى ونعالج الأسباب
مثلا
← الطفل مدلل ( مدلع ) بزيادة ومجرد ما يشاور على الماية أو الأكل يلاقى كل حاجة ادامه
فى الحاله دى مش هيضطر يطلع اصوات ولا يطلب لان طلباته مجابه بمجرد الاشارة
← الطفل بيقعد طول اليوم قدام التليفزيون
← الطفل كان بيتكلم واول ما جة طفل جديد بطل كلام
← الام والاب بيشتغلو طول النهار ومفيش نموذج الطفل يكتسب منه اللغه
اسباب كتيير جدا ممكن تأخر النمو اللغوى لطفلك
لو حبا تعرفى اكتر عن التأخر اللغوى
والبرامج المستخدمة فى زيادة الحصيلة اللغوية لطفلك
والبرامج المستخدمة فى زيادة الحصيلة اللغوية لطفلك
تابعى محاضرات دورة التخاطب هتستفادى جدا
للمحاضرة الرابعة بدورة التخاطب اضغط هنا
بعنوان ( مهارات ماقبل اللغة ، التأخر اللغوى 1 )
للمحاضرة الخامسة بدورة التخاطب اضغط هنا
بعنوان ( التأخر اللغوى 2 )
اخصائى نفسى اكلينيكى
علا وجدى شاهين
نرجو أن تكون الاجابة وافيه للسائلة واذا كانت لديك اية استفسارات نرحب ونسعد بها
لو عجبك محتوى موقع ابداع للتربية الخاصة والتأهيل النفسى
وحابب تدعمنا ماديا للتطوير من الموقع والعمل على توفير الخدمات المجانية لاسر ذوى الهمم وكل من يحتاج الى مساعدات نفسية
وجعل المحتوى مرئى على اليوتيوب
وللمزيد من المسابقات الداعمة والمشجعه لأطفالنا
ادعمنا من خلال حساب باى بال
او ادعمنا من خلال باتريون
وممكن تدعمنا على الاستمرار
بكتابة تعليق مميز 💚
موقع ابداع
للتربية الخاصة والتأهيل النفسى