ابنى حاول ينتحر
كيفية تغير الافكار الانتحارية عند الأطفال
بقلم علا وجدى شاهين
اخصائى نفسى اكلينيكى
من داخل الجلسة
الطفل : ديما ماما تخاصمنى وتزعل منى ومتتكلمش معايا لفترات طويلة
وكمان تقولى هقول لبابا وكلهم بيزعلو منى ويخاصمونى
انا وحش وهم مش بيحبونى وعايز اموت
هبدأ اتناقش معاكم فى المشكلة دى تفصيلا
واحب جدا اسمع ارائكم واقتراحتكم
نقاش مع الأم :
احكيلى ايه مشكلة الولد ؟انا جاية اعدل سلوك ابنى لانه مش بيسمع الكلام وبيكدب وبيضرب اخوه وكل تصرفاته غلط انا تعبت منه ومش عارفا ايه الحل معاه ؟
وبعد عمل دراسة الحالة ومعرفة ان الطفل له اخ تانى وديما يتقارن بيه
وديما سلوكيات اخوه الخاطئة مش بيتعاقب عليها لانه صغير وسلوكياته يتعاقب عليها لانه من وجهة نظر الأب والأم انه كبر ومفروض عارف الصح من الغلط !
واكتر عقاب مؤذى بالنسباله ان ماما متتكلمش معاه ( تخاصمه )
وكمان بابا رد فعله انه ميتكلمش معاه ويتجاهل وجوده
الولد ديما يردد انه عايز يموت نفسه
وفى مره تناول شريط من الحبوب كامل واتنقل المستشفى
و دايما مندفع فى سلوكياته وتصرفات تزيد سوء يوم عن التانى
السن ١١ سنه والاخ الاصغر ٦ سنوات
علاقته بأخوه متقلبة ديما بيضربه وبيغير منه بشكل كبير
التعليق / الحل
بدايتاً اى مشكلة سلوكية علشان نبدأ نحلها ونضع برنامج علاجى سليم لازم ندرس الأسباب بشكل دقيق ونحللها ونعرف السلوك دا نتيجة ايه ؟
تحليل بسيط للمشكلة السابقة
الأسباب :
وبالتالى النتيجة هنا الغيرة وبداية عمل حاجز بين الاولاد بدلاً من انهم يكونو سند لبعض ويحبو بعض ويلعبو مع بعض !
٢ ـ عدم استخدام اساليب العقاب بشكل سليم
و اسلوب العقاب المستخدم هو عدم الاستجابة لمتطلبات الطفل وعدم التحدث معه من خلال الأب والأم لفترات طويلة يوم ويومين ويأتى الطفل ليعتذر ويتجاهل الاب ذلك والنتيجة يفقد الاعتذار قيمته احساس الطفل بالذنب والشعور بعدم القيمه
ايضا يفقد ثقته بنفسه وبالآخرين
وقد ينتج عن ذلك العديد من المشاكل مستقبلاً
و يسبب ضغط نفسى للطفل فيستخدم حيل دفاعية كرد فعل طبيعى على استخدام هذا
الاسلوب الخاطئ فى العقاب
من الحيل الدفاعية المستخدمه
( الكذب ) للهروب من العقاب المستخدم
( العدوان ) ويتمثل بالعدوان تجاه الآخرين بصورة غير مباشرة او سلبية
وايضا يحاول ان يلفت انتباه الاب والام من خلال عمل سلوك خاطئ او عمل فوضى ويستخدم العند فى بعض الأحيان
والحل متمثل بالآتى :
والحل متمثل بالآتى :
لو عالجنا الأسباب هتختفى الأعراض
بمعنى إن أول خطوه لتعديل سلوك الطفل إننا نعدل البيئة الى ساعدت على تكوين السلوك دا
الأم والأب محتاجين يتعلمو اساليب بديلة للتعامل مع الطفل
لازم يتم توجيههم من خلال متخصص نفسى او يزودوا معلوماتهم ويتعلموا اساليب التعامل مع الأطفال وكيفية تعديل وتغير سلوك الطفل ؟
كتير من الى بيقرأ الموضوع هيقول فين الحل للمشكلة المعروضة
الكلام دا قرأناه كتير وسمعنا عنه
ولكن لو رجعنا لناحية التطبيق
هنلاقى ان اغلب انماط التربية بتكون بالفطرة يعنى انا هربى اولادى زى ما اتربيت
وبالتالى نكرر نفس المشكلة وقد يكون فى مضاعفات اكتر ناتجة عن الاسلوب التربوى المتبع من ايام جد الجد ومازال بيتكرر بإضافات مفيش لها اى اصل من الصحة
وبالتالى ينتج الانطواء والكذب والسرقة والخوف والغيرة والتوتر والتبول الا ارادى وقض الأظافر ومص الأصابع وغيرو وغيرو
وبعد المقدمة الطويلة دى نرجع لموضوع اليوم
الحلول والنصائح التى يجب إعطائها لولى الأمر
الحل الذى لا غنى عنه وخصوصا مع وجود افكار عن الانتحار لدى الطفل هو المتابعة فى البداية مع اخصائى نفسىلإرشاد ولى الأمر حتى يتم تعديل وتغير سلوك وأفكار الطفل وكذلك تغير الإسلوب المتبع فى التربية
لولى الأمر ✋👇
عليك اولا
- 👈 تغير الاسلوب المتبع بالعقاب
واستبداله بإسلوب آخر
وقبل ان تعاقب طفلك على سلوك استمع الى سبب اقباله على هذا السلوك
مثلا ( ضرب اخوه ) ( كسر شئ ثمين بالمنزل )
خذ الطفل بمفرده وتكلم معه بلين عن السبب مثلا ضرب اخوه واتفق معه عدم تكرار السلوك وعلى عقاب الطفل يختاره لنفسه
مثلا عدم اخذ التليفون او عدم اللعب بلعبه يحبها - 👈 احتوى طفلك وحاول ان تنشأ معه حوار لتتعرف على الصورة السلبية التى كونها تجاهك نتيجة الأسلوب السابق المتبع معه
- 👈 غير اسلوبك معه واعطه احساس بالأمان والحب والتقبل
- 👈 شجع طفلك وادعمه وعززه على قوله الصدق ولو مره
- 👈 عندنا يكذب لا تقول له انت تكذب لانك قد تعمل على تثبيت ذلك وقد تجعل الكذب احد سماته
- 👈 تكلم معه واظهر اعجابك بصدقة فى المواقف والكلام العادى
- 👈 لا تظهر تفرقة بالمعاملة بينه وبين اخوه
- 👈 تكلم معه عن احلامه لنجعل له هدف ونغير نظرته عن الحياه والمستقبل .
وبالنهاية 💕
لازم يكون هدف كل زوجين قبل ما يفكرو فى انجاب اطفال
يفكرو ازاى ننشأ طفل سوى نفسيا ؟
ازاى نربى اولادنا بشكل صحيح ؟
هنتعامل معاهم ازاى ؟
يدركوا كويس انهم قدوة وكل سلوك له رد فعل ونتيجة 👌
اسعدنى مرورك الراقى وحسن المتابعة
لقرائة موضوع شيق ومفيد لكل ولى امر
كيف اربى ابنى سوى نفسياً اضغط هنا
لو عند استفسار او تعليق على المشكلة اكتب بتعليق 👇👇
لو عند استفسار او تعليق على المشكلة اكتب بتعليق 👇👇
موقع ابداع
للتربية الخاصة والتأهيل النفسى